O obxectivo principal é dar a coñecer o Estatuto Básico do Empregado Público, a súa estrutura e principios, así como o concepto de empregado público. Este obxectivo xeral pode concretarse, á súa vez, nos seguintes:
- Estudo da regulación constitucional da Función Pública e do marco normativo básico: o Estatuto Básico do Empregado Público e outras normas básicas.
- Aproximación á lexislación galega en materia de Función Pública.
- Coñecemento da presenza do factor humano nas Administracións Públicas e diferenciación dos distintos tipos de empregados públicos. Breve estudo do persoal directivo.
- Coñecemento dos grupos e corpos de funcionarios de carreira.
- Estudo das técnicas e instrumentos que utilizan as administracións públicas para organizar os seus recursos humanos (relacións de postos de traballo, plans de emprego e oferta de emprego público).
- Coñecemento dos distintos xeitos de seleccionar o persoal que presta os seus servizos na Administración.
- Estudo dos distintos xeitos de promoción profesional e carreira administrativa, e particularmente, dos sistemas de provisión de postos de traballo.
- Descrición da formación como un dereito básico, cunha breve aproximación a dúas institucións básicas: o Instituto Nacional da Administración Pública e a Escola Galega de Administración Pública.
- Distinción de cada un dos conceptos que compoñen as retribucións públicas.
- Identificación das peculiaridades do sistema retributivo dos funcionarios interinos e dos funcionarios en prácticas.
- Coñecemento das distintas clases de indemnización por razón do servizo.
- Coñecemento dos dereitos individuais básicos.
- Achegamento ao concepto de Código de Conduta e tamén establecemento dun cadro dos Principios éticos e dos Principios de conduta.
- Estudo dos distintos permisos e licenzas a que teñen dereito os empregados públicos.
- Achegamento ao dereito á negociación colectiva subliñando os aspectos máis importantes nesta materia.
- Coñecemento do concepto de avaliación do desempeño e obxectivos que persegue. Métodos utilizados, coas súas vantaxes e inconvenientes.
T01 |