Cursos

A Lei 2/2025, do 2 de abril, para o desenvolvemento e impulso da intelixencia artificial en Galicia, converte á nosa comunidade nun referente pioneiro en Europa na regulación ética e responsable desta tecnoloxía. Esta acción formativa pretende dar a coñecer os seus obxectivos, principios e instrumentos de gobernanza, así como achegar exemplos prácticos para a súa aplicación nos procedementos administrativos e nas políticas públicas.

Os obxectivos serán:
- Comprender o alcance, finalidade e ámbito de aplicación da Lei 2/2025.
- Identificar os principios reitores da IA pública: transparencia, explicabilidade, trazabilidade, seguridade, revisión humana, imparcialidade e accesibilidade.
- Coñecer a nova estrutura de gobernanza: Oficina de IA, Comisión Estratéxica, Consello Galego de IA.
- Analizar as obrigas da Administración no uso da IA: informes previos, trazabilidade, avaliación de riscos, dereitos da cidadanía.
- Explorar as medidas de impulso e apoio á innovación: factorías de IA, programas de formación, ecosistema público-privado.
- Desenvolver competencias prácticas para integrar a IA de xeito ético e conforme á normativa na actividade administrativa.