Cursos

O curso que se presenta, pretende, en primeiro termo, incidir nos aspectos prácticos da Lei 9/2017, do 8 de novembro, de Contratos do Sector Público (LCSP) pola que se traspoñen ao ordenamento xurídico español as Directivas do Parlamento Europeo e do Consello 2014/23/UE e 2014/24/UE, do 26 de febreiro de 2014, facendo fincapé nas novidades máis significativas da LCSP nas distintas fases dun procedemento de licitación. O obxectivo do curso é dar a coñecer aos órganos xestores os problemas quese poden derivar na contratación pública, tanto no momento inicial de elaboración dos pregos de cláusulas administrativas.
Asemade, pretende focalizar a atención no papel primordial que outorga a LCSP na loita contra a corrupción e ao obxectivo da integridade nos procedementos de contratación pública, como o pon de manifesto o propio lexislador ao incluír por primeira vez de maneira expresa o principio de integridade no articulado e entender como un dos seus obxectivos principais o de lograr unha maior transparencia e integridade nas actuacións.
A actual normativa esixe unha transformación da contorna de compra pública que pasa necesariamente pola adopción dun rol activo na materia por parte das entidades adxudicadoras e as persoas participantes no proceso de contratación e aprender como xestionar os riscos das distintas fases dun procedemento de licitación ata á finalización mesma do contrato.