Cursos

IMPORTANTE:
• O número de actividades de formación continua en materia de idiomas limítase a tres (3).
• Se tes dúbidas sobre o nivel existe unha proba de nivel orientativa nos idiomas: en lingua inglesa, lingua francesa, lingua alemá e lingua portuguesa no enderezo https://egap.xunta.gal/aulavirtual/
• Na modalidade de teleformación só se pode matricular nun nivel de cada idioma ofertado.
• Se se detecta máis dun nivel solicitado en cada idioma na modalidade de teleformación acéptaselle no nivel máis baixo e exclúeselle no/os outros niveis.
• Non se pode solicitar o mesmo nivel cursado na anterior convocatoria.



• Conseguir expresarse con facilidade e eficacia sobre os temas tratados no curso, tanto xeral como
específico, sendo capaz tamén de desenvolverse en temas que non sexan parte do plan curricular.
• Expresar opinións sobre temas de interese propio e relacionados coa cultura xeral, sendo capaz de emitir tamén opinións, suxestións e facer razoamentos sobre temáticas que non se correspondan aos seus temas de interese.
• Ser capaz de comprender textos e audios complexos que traten de temas relacionados co cotiá e, tamén, con áreas máis abstractas, que impliquen comprender a precisión do contexto e captar o sentido implícito do que escoitan ou len.
• Expresarse de forma espontánea situacións reais e conversas da vida cotiá, así como en situacións máis formais, comprendendo e usando modismos, frases feitas e expresións coloquiais, aínda que poidan necesitar confirmar detalles.
• Ser capaz de redactar textos cun discurso claro e preciso, redactar informes claros, detallados e ben estruturados sobre temas complexos con certa extensión, destacando as ideas principais e defendendo puntos de vista.