O "mindfulness” ou "atención plena" consolidouse recentemente como unha ferramenta destinada a incrementar a concentración cuxa práctica habitual pode repercutir nunha mellora do rendemento e a creatividade, da conciencia dun mesmo e o control da tensión. No ámbito laboral, relaciónase cunha mellora do clima laboral e a produtividade, así como da comunicación e o compromiso e implicación do persoal.
O curso ten como obxectivos dotar de ferramentas ao persoal empregado público para aumentar a súa capacidade de concentración, aprender a regular as emocións e a responder a calquera situación da forma adecuada. Ademais, incidirase na detección dos patróns de pensamento nocivos, mediante o uso da atención plena para potenciar a autoestima, as relacións persoais, a concentración, a consecución de obxectivos e o control da tensión. Todo iso enfocado a mellorar a produtividade, eficacia e eficiencia do alumnado no seu ámbito profesional.
SANTIAGO |