Xornadas

Este seminario web expón a imperiosa necesidade de renovación xeracional do emprego público como consecuencia das xubilacións masivas que xa se están producindo e que se producirán con maior intensidade nos próximos anos. Esa renovación xeracional débese realizar nun contexto marcado por un conxunto de importantes desafíos aos cales se enfronta o sector público nestes momentos, tales como a revolución dixital e a súa afectación ás tarefas tradicionais que se desempeñan nos diferentes postos de traballo, así como a necesidade de dispor de novos perfís de empregos funcionais que se asenten sobre os procesos de dixitalización, automatización e intelixencia artificial que se aplicarán á prestación de servizos e actividades administrativas.

Este webinario, co obxecto de ordenar cabalmente esa remuda xeracional e dispor de estruturas e persoas adecuadas aos desafíos futuros, propón unha estratexia mixta de organización e recursos humanos que promove unha planificación e xestión ordenada e gradual do cambio desde o modelo tradicional de deseño e organización actual de postos de traballo cara a outro modelo que teña como finalidade a flexibilidade organizativa, a adaptación e a transversalidade. A transformación organizativa e dos recursos humanos convértese, así, nunha necesidade existencial do futuro das administracións públicas.

Este webinario será impartido por Rafael Jiménez Asensio: consultor, formador, catedrático de Universidade acreditado por ANECA e AQU. Avogado (Estudo Sector Público SLPU).