Xornadas

A expropiación é unha das figuras xurídicas máis impopulares que existen nos distintos ordenamentos xurídicos, pero, ó mesmo tempo e en determinadas situacións, a única posibilidade coa que contan as diferentes administracións para logra-los seus fins.


Isto comporta que a súa xestión sexa complicada desde o punto de vista puramente persoal, ó intentar compaxinar intereses diversos e contrapostos, o que unido ó aínda máis complexo sistema que hai que seguir para consegui-lo fin, dea como resultado un lento e tedioso proceso non exento de innumerables situacións de difícil e nada rápida solución.


A xornada convocada ten por finalidade acouta-lo panorama regulatorio da expropiación, centra-lo seu estudio no marco urbanístico estatal e autonómico galego e desvelar e aclara-los intricados pasos que deben seguirse nunha expropiación tipo, facendo fincapé naqueles puntos considerados de maior interese, e pechar esta co estudio práctico dun caso real expropiatorio.