Xornadas

O incremento excepcional dos custos de execución dos contratos públicos está a revelar as graves deficiencias que afectan a regulación desta fase da contratación pública. Á tradicional confusión entre o factum principis e o risco imprevisible, uniuse agora a delimitación entre este e o ius variandi, potestade que, en contra do seu entendemento tradicional, pretende ser utilizada como técnica de restablecemento do equilibrio contractual cando rompe por circunstancias imprevisibles. Isto expón a cuestión de se a forma máis axeitada de facer fronte ao referido incremento é a modificación do prezo sen máis ou a compensación por risco imprevisible e, en último termo, se tales técnicas son as máis idóneas para facer fronte a situacións de crises como a actual ou resulta máis apropiado acudir á lexislación de urxencia.

Esta conferencia, logo de lembrar algúns dos principios e conceptos capitais da contratación pública, trata de responder a estes interrogantes.