Xornadas

O obxectivo da xornada é dar a coñecer a nova Lei do deporte galego, Lei 3/2012, de 2 de abril, do deporte de Galicia.
A xornada fará especial fincapé nas principais novidades da norma de recente publicación, en aspectos tales como as competencias das Administracións públicas, as entidades deportivas, a xustiza deportiva, a protección da saúde dos deportistas e loita contra a dopaxe e a loita contra as condutas contrarias á orde deportiva, entre outras materias.
Así mesmo, propiciarase un punto de encontro entre o ámbito xurídico e os axentes da actividade deportiva, no que se aborden as cuestións contempladas pola nova Lei.
Desta maneira, a xornada ten por principais obxectivos:
-Facilitar información sobre a nova Lei do deporte galego, Lei 3/2012, de 2 de abril, do deporte de Galicia.
-Actualizar os coñecementos dos profesionais e entidades vinculadas ao ámbito deportivo tras a entrada en vigor da norma, mellorándose as competencias de devanditos profesionais e entidades.