Xornadas

AMPLIADO O PRAZO DE INSCRICIÓN ATA O 19 DE ABRIL ÁS 12:00 h.

O Consello de Contas de Galicia, na súa condición de órgano estatutario de control externo da xestión económico-financeira do sector público de Galicia, ten tres funcións básicas: a de vixilancia (a máis coñecida de control da legalidade e regularidade contable), a de xeración de evidencias para a mellora da xestión pública desde o punto de vista da economía, eficacia e eficiencia do gasto e do ingreso público, pero tamén da súa sustentabilidade, e, finalmente, a de colaboración na prevención da fraude e o impulso de marcos de integridade na xestión pública.

Co obxecto de achegar os resultados desta tripla función no exercicio 2022 propóñense estas xornadas desde a Área de Corporacións Locais do Consello de Contas de Galicia desde o convencemento das sinerxías entre o control externo e o control interno, pero tamén do papel da primeira liña de defensa na xestión do sector público, a administración activa. En síntese, trátase de dar visibilidade ás posibilidades de mellora na xestión do público desde o control externo.