Xornadas

O dereito comunitario está presente dunha forma cada vez máis patente na realidade xurídica dos países membros da Unión Europea. O obxectivo da xornada é contribuír á difusión dos últimos avances do dereito comunitario, tanto en relación cos temas que tradicionalmente mereceron un maior desenvolvemento desde a instancia europea coma naquelas materias que, aínda que incorporadas máis recentemente ás políticas comunitarias, adquiriron nos últimos tempos un desenvolvemento notable e suscitaron un crecente interese na doutrina, na xurisprudencia, nas instancias políticas, nos operadores xurídicos e na cidadanía.