Xornadas

Neste webinario realizarase unha análise sobre os distintos procesos de estabilización que previu o lexislador, tanto na Lei 20/2021, do 28 de decembro, de medidas urxentes para a redución da temporalidade no emprego público, como no Real decreto lei 5/2023, do 28 de xuño. O webinario céntrase especialmente na función pública, aínda que ten en conta tamén a recente STXUE do 22 de febreiro de 2024, polo impacto que pode ter esta nova liña xurisprudencial para o persoal empregado público. Así mesmo, analízanse as dúbidas de constitucionalidade que expoñen algunhas das medidas adoptadas polo lexislador para a estabilización, especialmente pola xeneralización do concurso como proceso selectivo. Este estudo resulta pertinente porque deu lugar a unha elevada litixiosidade nesta materia e porque o Tribunal Constitucional, por providencia do 21 de maio de 2024, acordou admitir a trámite unha cuestión de inconstitucionalidade en relación coas disposicións adicionais sexta e oitava da Lei 20/2021 por posible vulneración do principio constitucional de igualdade.