Cursos

A proposta de reforma da Política Agrícola Común (PAC) introduce un cambio profundo na maneira na que deben deseñarse os seus instrumentos, pois pasa de ser unha política baseada na descrición dos requisitos que deben cumprir os beneficiarios finais das axudas a unha política orientada á consecución de resultados concretos, vinculados a tres obxectivos xenerais:

a) O fomento dun sector agrícola intelixente, resistente e diversificado que garanta a seguridade alimentaria;
b) A intensificación do coidado do medio ambiente e a acción polo clima, contribuíndo a alcanzar os obxectivos climáticos e ambientais da UE;
c) O fortalecemento do tecido socio – económico das zonas rurais.

As axudas directas que supoñen o principal montante económico, están dividas en axuda básica a renda, pago redistributivo, axuda a mozos, ecoesquemas e axudas asociadas.