O curso monográfico COVID-19 e dereito público: ensinanzas para o futuro pretende afondar, desde a perspectiva do dereito público, nas diferentes medidas xurídico-administrativas adoptadas para afrontar a situación de emerxencia ocasionada polo gromo epidémico da COVID-19 co obxecto de mellorar a resposta fronte a futuras crises. En concreto, perséguense estes obxectivos:
• Abordar as consecuencias xurídico-administrativas da pandemia, baseándose nas disposicións e medidas adoptadas, entre as que destacan o decreto de estado de alarma, a restrición de dereitos e liberdades e a adaptación da actividade contractual á situación de emerxencia. Neste ámbito, estudaranse casos de responsabilidade patrimonial da Administración ante danos sufridos, así como a coordinación entre o Estado e as comunidades autónomas no marco dun Estado descentralizado con distribución de competencias.
• Analizar o papel de certas institucións durante a crise sanitaria.
SANTIAGO |