Análisise da refundición lexislativa levada a cabo por medio do novo Decreto lexislativo 1/2008, de 13 de marzo, polo que se aproba o Texto refundido da Lei da función pública de Galicia, con especial incidencia nas modificacións levadas a cabo, en comparación coa normativa anterior, desde un punto de vista técnico xurídico e xurisprudencial.
A materia presenta especial interés científico e técnico e ten por obxeto proporcionar cualificación no ámbito da xestión pública. Neste sentido, todos os funcionarios están potencialmente interesados en coñecer e dominar as modificacións e novidades habidas no réxime xurídico que lles resulta de aplicación.
O coñecemento desta materia redunda no mellor exercicio profesional, ao versar sobre aspectos que afectan directa e persoalmente a todos os funcionarios. O dominio da función pública posibilitará aos asistentes un mellor exercicio dos dereitos e un maior coñecemento das obrigas.
SANTIAGO |