Cursos

Os Fondos Europeos constituíron sempre un instrumento de gran importancia para o desenvolvemento de Políticas rexionais, sociais ou estruturais en Europa e en España. No ano 2013, o Lexislador europeo aprobou o novo «paquete lexislativo» que regulará os Fondos Europeos para os próximos anos.
O obxectivo deste curso monográfico é analizar, desde unha perspectiva pluridisciplinar (xurídica, técnica, administrativa e académica), non só o novo marco normativo europeo senón tamén a súa execución en España, abordando cuestións cruciais coma a distribución de competencias entre as distintas administracións (europea, estatal ou autonómica), os obxectivos e prioridades temáticas de cada Fondo, os elementos comúns de xestión de todos eles ou a funcionalidade dos contratos administrativos e das subvencións como instrumentos de execución. Desta maneira, o curso monográfico pretende constituírse nun foro de análise e reflexión sobre os Fondos Europeos que permita aos distintos actores implicados (administracións, empregados públicos, beneficiarios, etc.) desenvolverse con seguridade no novo marco regulatorio e operativo.