A Escola Galega de Administración Pública, dentro do seu plan de actividades para o ano 2013, convoca as Xornadas sobre a problemática actual do urbanismo en Galicia. A disciplina urbanística, en colaboración co Colexio Territorial de Secretarios, Interventores e Tesoureiros de Administración Local de Pontevedra (Cosital Pontevedra) e coa Axencia de Protección da Legalidade Urbanística (APLU).

A finalidade desta actividade divulgativa é, principalmente, afondar naqueles aspectos prácticos e controvertidos que suscita a aplicación da normativa vixente no eido da disciplina urbanística, aplicación que implica unha extraordinaria transcendencia social, económica e ambiental, especialmente na nosa Comunidade Autónoma.

Lugar: Edificio Administrativo da Xunta de Galicia, r/ Fernández Ladreda, 43, Pontevedra
Datas: 14 e 15 de marzo de 2013
Horario: 14 de marzo: tarde, 15 de marzo: mañá e tarde
Duración: 12 horas lectivas
Solicitudes: enviar o anexo da convocatoria por fax (981 546 330) ou por correo electrónico (novas.egap@xunta.gal).
Cota de inscrición: 20 euros (excepto para os solicitantes colexiados do Colexio Territorial de Secretarios, Interventores e Tesoureiros de Administración Local de Pontevedra e para os empregados públicos da Axencia de Protección da Legalidade Urbanística).
Prazo de presentación de solicitudes: ata o 12 de marzo

Estas xornadas van destinadas principalmente a funcionarios das diferentes administracións públicas que asuman funcións no eido da disciplina urbanística; preferentemente, funcionarios da Administración local con habilitación de carácter estatal; empregados públicos da Axencia de Protección da Legalidade Urbanística e funcionarios das subescalas técnica e de xestión de Administración xeral dos concellos; xuíces, fiscais, avogados e docentes ou investigadores universitarios nesta materia; funcionarios con competencias técnicas neste campo: arquitectos, arquitectos técnicos e enxeñeiros; interesados en xeral.