Poden participar nesta iniciativa todos os empregados públicos da Administración xeral da Xunta de Galicia que desexen inscribirse, sexa cal for o seu vínculo, centro e localidade onde presten os seus servizos.

As modalidades admitidas inclúen pintura, escultura, fotografía, gravado, colaxe, debuxo, cerámica, tapiz, vídeo e calquera outra especialidade artística que implique a utilización de novas tecnoloxías ou materiais, maquetas, origami (papiroflexia) e creacións literarias (poesía, prosa poética, ensaio, teatro, conto, relato curto...) sempre que a extensión máxima non supere os tres folios.

Cada participante poderá presentar unha obra por modalidade artística. Para iso deberá enviar a solicitude asinada que aparece no anexo desta nova ao enderezo agaec2004@yahoo.es xunto cunha fotografía dos traballos que presenta en formato JPG, cunha resolución mínima de 300px ou ben, no apartado literario, un texto, escrito en galego (facer constar se se desexa expor un fragmento na sala de exposicións). O prazo de entrega rematará o 30 de abril.

A data límite para entregar os materiais na EGAP remata o 13 de maio. Deben dirixirse a Seguridade ou preguntar polo Sr. Escribano.