A Escola Galega de Administración Pública pon en marcha un curso monográfico destinado a analizar a situación actual e as perspectivas do modelo territorial previsto na Constitución española, as reformas posibles para garantir a súa sustentabilidade nun contexto de crise e a coherencia destas coas previsións do devandito texto constitucional. Nesta liña, a dita actividade pretende ademais suscitar o oportuno debate acerca dos retos actuais e futuros do Estado das autonomías nun escenario no que a Unión Europea avanza no fortalecemento da súa gobernanza.
Durante tres xornadas debaterase ao redor dos seguintes temas: a redución do gasto público e xestión do recorte na Administración autonómica, o federalismo e nacionalismo, o déficit e endebedamento no sistema de financiamento autonómico, a unidade xurídica e económica como exixencia e garantía dun Estado autonómico sustentable, a asimetría ou simetría no Estado autonómico.
Lugar: Escola Galega de Administración Pública (EGAP), Santiago de Compostela
Datas: 19, 20 e 21 de xuño de 2013
Duración: 15 horas
Presentación de solicitudes: enviar o anexo da convocatoria por rexistro, fax (981 546 330) ou correo electrónico (
novas.egap@xunta.gal)
Prazo: ata o martes 18 de xuño
Máis información: http://egap.xunta.gal/fichacurso/index/6888