A visita é froito das relacións de colaboración establecidas entre o Instituto Galego de Análise e Documentación Internacional (IGADI) e o China Center for Comtemporary World Studies, e está enmarcada nos contactos entre China e e España no marco do cuadraxésimo aniversario do establecemento de relacións diplomáticas.

Durante este acto a directora da EGAP resaltou o interese do centro polas cuestións relacionadas co país asiático, xa que durante os últimos anos leváronse a cabo diversos cursos de iniciación á lingua chinesa e no ano 2011 tivo lugar na Escola un intercambio de experiencias cun grupo de investigadores e especialistas da Academia de Ciencias Sociais Chinesa.