Asi, a nova edición da Regap aborda temas como a valoración do patrimonio cultural, a disciplina da execución administrativa en Italia, o procedemento antidumping en México ou a reforma da Administración local en España, entre moitos outros. Por outra banda, o novo número da Revista da Escola Galega de Administración Pública administración & cidadanía é un monográfico no que se analiza, mediante artigos e unha recensión final, a planificación estratéxica na Administración autonómica e nas administracións locais de Galicia.


A través destas publicacións a EGAP pretende achegar a contribución dos máximos e máis destacados especialistas en materias como o dereito administrativo, as novas tecnoloxías, os retos da Administración no século XXI, o estatuto dos empregados públicos ou a ordenación do territorio e o medio. En especial, pretende reservar un espazo destacado á Administración local, aos seus funcionarios, ao réxime xurídico destas administracións e a problemas que lle afectan directamente como a súa articulación territorial, financiamento, réxime xurídico dos seus bens, urbanismo, etc. Os principais destinatarios destas dúas revistas son os empregados públicos e os profesionais do sector privado que desenvolven as súas actividades no eido do Dereito.

A descarga é libre e gratuíta a través da páxina web da Escola