O próximo exemplar de Administración&Cidadanía, que estará dispoñible na web da EGAP nas próximas semanas, incluirá un artigo no que se analizará polo miúdo a nova normativa de protección de datos ao redor dun decálogo elaborado polo profesor de Dereito constitucional José Julio Fernández Rodríguez. Ademais, conterá textos sobre o presente e o futuro da democracia; a reforma local; o financiamento local e o futuro do imposto sobre plusvalías; as diferenzas rexionais no gasto sanitario; a economía da administración electrónica e a valoración de documentos nas organizacións a través do Consello de Valoración Documental de Galicia.

O último número de Administración&Cidadanía completarase cunha recensión sobre o libro de V. Faggiani Los derechos procesales en el Espacio Europeo de Justicia Penal. Técnicas de armonización e unha crónica de La supervisión y control del mercado de seguros en territorio español: delimitación del contrato de seguros en el marco de las operaciones de cobertura.

Administración & Cidadanía é unha revista creada no ano 2006 que pretende ofrecer un novo enfoque sobre a realidade organizativa e xerencial da Administración pública e achegar novas perspectivas ao estudo dos procesos de intervención pública e do seu impacto desde as perspectivas económica, xurídica, política e sociolóxica.  

Consulta todos os números publicados aquí.