A Escola Galega de Administración Pública e a Axencia de Protección da Legalidade Urbanística convocan un curso de cuestións de actualidade e relacións de colaboración con axentes implicados na disciplina urbanística. Esta actividade vai dirixida ao persoal empregado público da Administración pública da Comunidade Autónoma de Galicia e das entidades locais de Galicia, que teña interese na materia. Terá preferencia na selección o persoal da Consellería de Medio Ambiente, Territorio e Vivenda, da APLU e das demais entidades adscritas á dita consellería, así como o persoal técnico e xurídico de concellos adheridos á APLU que desenvolvan funcións relacionadas coa materia urbanística.