A sesión foi introducida polo director xeral da Función Pública, José María Barreiro, e pola directora da EGAP, Sonia Rodríguez-Campos. Esta última, na súa intervención, destacou o incremento da formación sobre emprego público nos plans de formación anuais, converténdose nunha das liñas estratéxicas da Escola. Neste senso, aludiu tamén á creación do ciclo “Presente e futuro do emprego público na Administración pos-Covid”, un formato baixo o que se convocan desde o 2020 numerosos webinarios sobre aspectos concretos da materia.

Os relatorios foron impartidos polos catedráticos de Dereito administrativo, Luis Miguel Arroyo Yanes e Jesús Fuentetaja Pastor.

Curso superior de planificación estratéxica
O curso superior sobre planificación estratéxica, xestión e comunicación no ámbito da economía pública de Galicia é unha actividade de 40 horas convocada pola Escola Galega de Administración Pública co obxectivo de amosar os principais retos e medidas en materia de planificación estratéxica da economía pública galega, co fin de garantir o desenvolvemento económico sostible e asegurar que os recursos públicos se utilicen de maneira responsable e eficiente.