Esta nova publicación incluirá un estudo do catedrático de Dereito Administrativo da Universidade Complutense de Madrid, Omar Bouazza Ariño, sobre Garantías e dereitos humanos ambientais e climáticos no orde interno e europeo, e outro do catedrático de Dereito Constitucional da Universidade de Alcalá, Guillermo Escobar Roca.
 

O próximo número da revista tamén conterá os estudos Discurso do odio e violencia política de xénero, do profesor de Dereito Constitucional da Universidade Complutense de Madrid, Ignacio Álvarez Rodríguez, e outro sobre a protección dos datos no contexto dos sistemas automatizados, do doutor en Dereito na Universidade de Santiago, Carlos de Román Castro. 
 

Ademais, o próximo número da revista incorporará comentarios adicados á lexislación deportiva, a protección da infancia e os principios constitucionais; a intelixencia artificial e as súas comparacións e aplicacións entre España e Italia, e o réxime sancionador dos patíns eléctricos.

Finalmente, a revista conterá varias recensións do doutor en Dereito na Universidade de Castela-A Mancha, José Enrique Candela, e do doutor de Dereito na Universidade de Vigo, Gabriel Vidal Cernadas, entre outros.

Todos estes artigos estarán dispoñibles nas próximas semanas na páxina web da Escola en versión electrónica e o seu acceso e descarga será libre.