Xornadas

O sector público autonómico pon ao dispor da cidadanía os medios para facilitarlles o exercicio dos seus dereitos, o cumprimento dos seus deberes e o acceso aos servizos públicos. Este conxunto de medios articúlase mediante o Sistema integrado de atención á cidadanía da Administración xeral da Comunidade Autónoma de Galicia (Siaci), que ten entre as súas principais funcións a de proporcionar á cidadanía información de carácter xeral, particular ou pública.

O obxectivo deste webinario é facilitar o emprego da ferramenta Siaci no que se refire ao procedemento de acceso á información pública, que foi incorporado ao Sistema Integrado de atención á cidadanía o 1 de xaneiro de 2022. Para tal obxecto, explicarase a tramitación dos procedementos de Siaci e abordarase a aclaración das diferenzas normativas e de tramitación de cada un deles.