A competencia é un proceso básico para o desenvolvemento económico de calquera sociedade, xa que contribúe a incrementar eficiencia do sistema produtivo. Esta eficiencia trasládase aos consumidores en forma de menores prezos o aumento da cantidade, calidade e variedade dos produtos.
O labor de promoción da competencia fai referencia a todas aquelas actuacións orientadas ao fomento dunha contorna competitiva mediante o recurso a mecanismos non coactivos.
Unha alternativa relevante da política de promoción da competencia é o control dos proxectos normativos, xa que en ocasións sucede que é a propia actuación dos poderes públicos a que introduce distorsións na competencia nos mercados. A partir desta idea estanse a establecer sistemas de avaliación dos proxectos normativos inspirados nos criterios e procedementos propostos pola OCDE.
| SANTIAGO |
Venres, 19 de Febreiro de 2010.
Breve introdución da lei 6/2004, reguladora dos órganos de defensa da competencia da comunidade autónoma de Galicia. Tamén se explica a grosso modo as funcións dos dous organismos creados por esta norma: o Servizo Galego de Defensa da Competencia e o Tribunal Galego de Defensa da Competencia.
Pablo Figueroa Dorrego, director da Escola Galega de Administración Pública (EGAP)
José Antonio Varela González, presidente do Tribunal Galego de Defensa da Competencia
Venres, 19 de Febreiro de 2010.
Xustificación da necesidade de existencia dun réxime competitivo a pesar de que non sempre resulta fácil para os axentes económicos. A inexistencia da libre competencia vulnera o interese público e os beneficios dos consumidores, levando ás empresas á ineficiencia. Como puntos puntos positivos da libre competencia destácase a mellora das empresas na súa xestión, produción e innovación; a eliminación do mercado das empresas menos eficientes; o incremento da produtividade e a mellora das posibilidades de competir en mercados internacionais. Resáltanse as principais áreas de traballo da Comisión Nacional da Competencia, como son a persecución de prácticas anticompetitivas, o control de concentracións ou a promoción da competencia a través de estudos sectoriais, informes sobre proxectos normativos, axudas públicas e guías. Finalmente explícanse os pasos precisos para elaborar unha guía da competencia.
Venres, 19 de Febreiro de 2010.
Explicación da necesidade de realizar un informe de competencia á hora de crear novas leis e disposicións de carácter regulamentario. Esta análise é levada a cabo polo Consello de Defensa da Competencia, pero antes o lexislador debe elaborar un test para detectar unha potencial limitación do libre acceso das empresas ao mercado. Este test pretende descubrir se a norma implica demasiadas esixencias para entrar nunha actividade determinada, ademais de coñecer as restricións á competencia entre empresas que xa están no mercado.
Venres, 19 de Febreiro de 2010.
José Antonio Varela despide aos asistentes destacando as ideas principais dos relatorios anteriores. Finalmente Pablo Figueroa Dorrego agradece a presenza aos relatores e clausura a xornada.
Pablo Figueroa Dorrego, Director da Escola Galega de Administración Pública (EGAP).
José Antonio Varela González, Presidente do Tribunal Galego de Defensa da Competencia
![Acceso al aula virtual [abre en nova venta]](https://egap.xunta.gal/images/menu_lateral/banner_aula_virtual.png)
