Coa nova web achégase a toda a sociedade o acervo de coñecementos da Escola e ofrécese ao usuario a posibilidade de descargar de xeito gratuíto vídeos, fotografías, presentacións multimedia, etc. Ademais, poderanse descargar de balde todas as publicacións editadas pola EGAP, entre as que destacan os temarios, a Regap e Administración&Cidadanía. Do mesmo xeito, o alumnado da Escola poderá ter toda a información sobre as actividades formativas, acceder ás convocatorias e plans de formación e coñecer todos os avances que se están a levar a cabo no relativo á calidade na formación.

Desde a EGAP invitámosvos a seguirnos na nosa páxina de Facebook, de Twitter e de Youtube. Nelas poderedes estar informados en tempo real de todas as novidades formativas e divulgativas da Escola. Esperamos que este novo espazo de información e divulgación sexa do voso agrado e invitámosvos a compartilo e a enriquecelo coas vosas achegas.