A Escola Galega de Administración Pública (EGAP) convoca no DOG núm. 119, do venres, 22 de xuño de 2012, o Curso superior de técnico de urbanismo correspondente ao ano 2012.
Esta actividade formativa ten como finalidade que o alumnado adquira os coñecementos teórico-prácticos e as habilidades que os capaciten para actuar no mundo da ordenación do territorio e do urbanismo e para responsabilizarse dos procesos de xestión do solo.
Neste curso superior, partirase da análise e do estudo pormenorizado da normativa de ordenación do territorio e urbanística, con especial atención á autonómica galega, combinando o estudo dos fundamentos teóricos cunha completa formación práctica que se fai imprescindible no ámbito da ordenación do territorio e do urbanismo.
Número de prazas: 40
Duración: 350 horas, entre o 27 de setembro de 2012 e o 13 de xuño de 2011
Prezo da matrícula: entre 1980 e 3960 euros
Prazo de inscrición: 12 de xullo de 2012
Lugar de inscrición: http://egap.xunta.gal/cursoUrbanismo
Máis información: ficha do curso