Grazas á sinatura deste documento, ambas as dúas entidades comezarán a colaborar para pór en marcha actividades formativas, divulgativas e de investigación que lles permitirán conseguir un mellor cumprimento dos seus respectivos fins, en beneficio da cidadanía e da sociedade galega.
Como froito da sinatura do dito convenio, as dúas entidades anunciaron a creación do I curso de actualidade xurídica de réxime local, centrado na aplicación nas entidades locais da Lei orgánica 2/2012 de estabilidade orzamentaria e sostibilidade financeira. A través desta actividade tratarase a aplicación da Lei 2/2012 na Administración local dentro da actual conxuntura económica, xurídica e política. Este curso, cunha duración total de 16 horas, terá lugar entre o 29 e o 31 de outubro, e analizará, entre outros, os conceptos de déficit estrutural, estabilidade orzamentaria, reequilibrio financeiro, endebedamento ou sostibilidade financeira.