Durante esta reunión, varios responsables dos citados organismos continuaron traballando nunha liña de acción xa iniciada pola Escola, que ten como misión fomentar a colaboración entre as diferentes administracións coa finalidade de profundar nunha xestión máis eficiente e sen duplicidades na área da formación.

Deste xeito, a EGAP dálle continuidade aos protocolos de colaboración asinados durante o 2012 entre a Xunta e as catro deputacións provinciais; e entre a Escola, a Dirección Xeral de Administración Local e a Fegamp, que ao longo deste ano permitiron realizar 55 actividades e convocar máis de 1700 prazas para o persoal das entidades locais.