Esta actividade formativa ten como finalidade dar unha visión actualizada e completa dos coñecementos necesarios para o desenvolvemento do traballo dos técnicos no ámbito local. Ademais, busca afianzar os coñecementos dos profesionais que xa exercen as súas funcións neste sector, así como presentar de forma estruturada todas as materias que afectan ao día a día da Administración local.

Á inauguración asistiron Sonia Rodríguez-Campos, directora da EGAP; Norberto Uzal, director xeral de Administración Local; Encarnación Rivas, secretaria xeral de Ordenación do Territorio e Urbanismo; José Manuel Rey, presidente da Fegamp; e Carlos Nárdiz, decano do Colexio de enxeñeiros.

O curso está englobado dentro da formación superior e de especialización da EGAP, deseñada para ofrecer ao alumnado uns coñecementos actualizados que lle permitan ao alumnado actualizarse e adaptarse ás necesidades do mercado profesional e laboral.