A Escola conmemorará o Día das Letras Galegas con varios actos ao redor da figura de Vidal Bolaño
A Escola / Luns, 6 de Maio de 2013.
Co gallo do Día das Letras Galegas, a Escola Galega de Administración Pública, organizará unha conferencia, unha proxección cinematográfica e un paseo guiado por Santiago para celebrar a obra literaria de Roberto Vidal Bolaño, autor e actor teatral compostelán.
Ao paseo guiado por Santiago de Compostela, para o cal hai 40 prazas dispoñibles, só terá acceso o persoal ao servizo das administracións públicas de Galicia. No caso de presentárense máis de 40 solicitudes, teranse en conta a data e a hora de entrada no Rexistro Xeral da EGAP ou a data e a hora do fax; terá preferencia o persoal da Xunta de Galicia.
No caso da conferencia e da proxección cinematográfica, poderá asistir calquera persoa interesada.
Conferencia: 15 de maio ás 18.30 horas no Salón de actos da EGAP
Proxección: 17 de maio ás 10.00 horas no Salón de actos da EGAP
Paseo guiado: 17 de maio, despois da proxección
Inscricións: remitir por rexistro ou por fax (981 546 249 e 981 546 330) o anexo que aparece na convocatoria antes das 12 horas do 15 de maio.