Na avaliación da satisfacción xeral co servizo acadouse unha puntuación do 8,8 sobre unha escala de 0 a 10.

Máis polo miúdo analizáronse outras cuestións, como o persoal do servizo no cal se avaliou o trato e atención do persoal responsable (8,8), a disposición do persoal para brindar axuda (8,9) e a atención personalizada (8,8), entre outros factores. Ademais, os enquisados tamén valoraron a información que se lles deu sobre o servizo (8,5), a xestión das solicitudes (8,7) e as instalacións da Escola (8).

Finalmente, onde mellor se exemplifican as boas avaliacións do servizo é na capacidade da EGAP para fidelizar os usuarios. Ao redor do 90% dos participantes na enquisa aseguran que volverían facer uso do servizo de reserva de instalacións e que mesmo llelo recomendarían a outros organismos e institucións.