Dentro das actividades programadas para o ano 2013, e de acordo co convenio de colaboración asinado o 30 de xaneiro de 2013 entre a Escola Galega de Administración Pública e a Consellería de Traballo e Benestar para o desenvolvemento de actividades de formación, divulgación e investigación; convócase un curso de capacitación para o desempeño da función de inspección de servizos sociais.
Destinatarios: persoal funcionario dos grupos A1, A2 e C1 e persoal laboral dos grupos I e II, preferentemente con titulación universitaria (licenciatura ou grao correspondente) en dereito, psicoloxía, pedagoxía, psicopedagoxía, educación social, relacións laborais, traballo social, ciencias políticas ou socioloxía.
Duración: 120 horas (45 horas presenciais e 75 horas online)
Datas: do 21 de outubro ao 13 de decembro de 2013.
Horario: as clases presenciais terán lugar entre o 24 de outubro e o 29 de novembro: os xoves das 16.30 ás 19.30 horas e os venres das 8.30 ás 14.30 horas.
Proba final: 13 de decembro
Prazas: 40
Prazo de solicitude: do 29 de xuño ás 8 horas ata o 8 de xullo ás 14 horas
Matrícula: http://egap.xunta.gal/matricula