En concreto, nesta actividade abordouse, en primeiro lugar, a garantía da transparencia administrativa baseándose na avaliación das entidades instrumentais e na participación cidadá; en segundo, a simplificación e a racionalización das administracións públicas, facendo fincapé no exemplo de Galicia; en terceiro, os cambios e as reformas do emprego público; e en cuarto a reforma da Administración local, no que se analizou a reordenación das competencias actuais.

Por último, cómpre destacar que, dada a relevancia do tema tratado, as conclusións alcanzadas durante este seminario serán recollidas nun volume colectivo. Esta publicación correrá a cargo da Escola Galega de Administración Pública e daráselle difusión dentro do ámbito das administracións galegas.