Este evento nace coa vocación de ser un foro aberto para compartir experiencias ao redor do concepto de innovación social e para analizar a súa adaptación á sociedade actual. A través de dúas mesas redondas, nas que participarán profesionais do eido público e profesionais relacionados con proxectos emprendedores de éxito, promoveranse a reflexión e o debate sobre cómo acadar melloras cidadás a partir da posta en común de ideas, técnicas e experiencias profesionais.

A innovación social converteuse nunha das sete iniciativas emblemáticas da Estratexia Europa 2020 que impulsa a Comisión Europea para lograr un desenvolvemento sostible, xusto e ecolóxico. A crise e a escaseza de recursos obrigan os poderes públicos a buscar novas fórmulas que satisfagan os problemas sociais e que, ao mesmo tempo, impliquen un cambio nas relacións sociais e fortalezan o empoderamento cidadán. A Universidade, na súa interrelación coa sociedade, dentro do que adoita denominarse terceira misión, favorece a innovación social como elemento de transformación. Na Xornada de Innovación Social da Coruña debateranse as distintas perspectivas de innovación social a través das achegas de seis prácticas exitosas neste eido.

Máis información: http://www.innapinnova.org/evento-2013/jornada-de-innovacion-social-de-a-coruna/