Durante a súa intervención, no que o acompañou Sonia Rodríguez-Campos, directora da EGAP, destacou a labor levada a cabo no control financeiro por parte do Tribunal de Contas Europeo, tanto a través da realización de auditorías como da publicación de informes específicos sobre as materias nas que é competente. Ademais, fixo fincapé no desexo da Unión Europea de que progresivamente sexan os Estados membros os que asuman un maior control sobre o seu gasto a través dunha integración dos diferentes sistemas, facendo posible que a Comisión confíe na fiabilidade dese control interno.

Análise e reflexión

Durante dous días numerosos expertos no eido da transparencia e da contratación administrativa debateron sobre a protección dos intereses financeiros da Unión Europeo e difundiron as boas prácticas sobre a xestión e control de fondos comunitarios, dando a coñecer as novas medidas que vai poñer en marcha a Xunta de Galicia.

Entre os temas tratados atópanse o marco lexislativo das axudas de Estado ante a crise económica, a reforma da normativa europea sobre contratación administrativa e transparencia, o control da xestión de fondos europeos, a cooperación transfronteiriza na Eurorrexión Galicia-Norte de Portugal, a cooperación territorial, as debilidades do sistema financeiro público portugués ou as novas medidas para a transparencia e eficiencia na contratación por parte do sector público galego.