Dentro do seu Plan de actividades, A Escola Galega de Administración Pública convoca, en colaboración coa Federación Galega de Municipios e Provincias (Fegamp) e coa Dirección Xeral de Administración Local, un curso monográfico titulado A reforma local a debate.
Durante dous días analizaranse o contido e as principais novidades incorporadas pola Lei 27/2013, do 27 de decembro, de racionalización e sustentabilidade da Administración local. Así, o curso monográfico convocado pretende dar a coñecer os posibles efectos e incidencias que cómpre esperar da aprobación da norma estatal sobre o funcionamento dos entes locais galegos e o seu goberno.
Esta actividade vai destinada, principalmente, ao persoal ao servizo da Administración galega e dos entes instrumentais da comunidade autónoma, cargos públicos e directivos á fronte destes, profesionais, universitarios, aínda que está aberto a calquera persoa interesada en coñecer o novo réxime xurídico da planta municipal e os retos aos que se enfronta.
Lugar: Escola Galega de Administración Pública, Santiago de Compostela
Datas e horario: 24 e 25 de abril, mañá e tarde.
Duración: 15 horas lectivas.
Solicitudes: as persoas interesadas deberán formalizar a súa inscrición a través de
https://egap.xunta.gal/matricula/ desde as 08.00 horas do 4 de abril ata as 00.00 horas do 22 de abril
Máis información: en
PU14008 ou nos teléfonos 981 546 241 e 981 546 239