Este curso pretende afondar, desde unha perspectiva técnico-xurídica, na concepción da Administración electrónica, incidindo na importancia que ten a súa implantación nas distintas administracións da nosa comunidade. Os contidos do programa enfocarán desde distintas perspectivas a Administración electrónica para que os destinatarios adquiran ou perfeccionen os coñecementos teóricos e prácticos da informática e do dereito completando a súa formación no Dereito da Informática.

Destinatarios: o 60% das prazas (30) teñen como destinatarios os empregados públicos das administracións públicas de Galicia, tanto autonómica coma local, e das universidades do Sistema universitario de Galicia que estean en posesión do título de doutor, licenciado, diplomado, grao, arquitecto, enxeñeiro, arquitecto técnico e enxeñeiro técnico que se encadren nalgunha das seguintes categorías: grupo A (subgrupos A1 e A2) do persoal funcionario, grupos I e II do persoal laboral, ao grupo C (subgrupo C1), do persoal funcionario ou grupo III do persoal laboral, e persoal eventual que acredite a súa condición co correspondente nomeamento específico. Poderán optar ao outro 40 % das prazas (20) os profesionais que estean en posesión do título de doutor, licenciado, diplomado, grao, arquitecto, enxeñeiro, arquitecto técnico e enxeñeiro técnico.
Matrícula: entre 500 e 350 euros
Horas: 114
Modalidade: mixta (conferencias+prácticas presenciais+teleformación)
Datas: do 5 de maio ao 18 de xullo
Lugar das clases prácticas: EGAP, Santiago de Compostela
Lugar das conferencias: Santiago de Compostela, Vigo e Ourense
Máis información: PU14009