A Escola Galega de Administración Pública súmase aos actos de homenaxe ao poeta e tradutor lucense Xosé Mª Díaz Castro coa celebración dun acto literario e cunha viaxe de interese cultural polos escenarios onde transcorreu boa parte da vida do autor agasallado.
No acto literario, que terá lugar o 15 de maio, poderá participar o persoal das administracións públicas e calquera outra persoa interesada, mentres que á viaxe cultural, o día 17, só terá acceso o persoal ao servizo de calquera das administracións públicas de Galicia, cun máximo de 40 prazas.
Para inscribirse na viaxe cultural será preciso achegar á Escola mediante rexistro ou fax (981 546 330) o modelo oficial que figura na convocatoria publicada no DOG do 8 de maio.
Máis información:
http://egap.xunta.gal/fichaxornada/index/7710/22188