Este curso ten como obxectivo adquirir un coñecemento especializado, eminentemente práctico, no ámbito da determinación e valoración do prezo xusto expropiatorio, fundamentalmente nos métodos de valoración do solo, e na valoración de bens e dereitos expropiados, desde a experiencia e conforme os criterios seguidos polo Xurado de Expropiación de Galicia.

Trátase de proporcionar aos destinatarios do curso unha visión práctica e realista da complexa materia das actuacións en materia de expropiación da Xunta de Galicia e dos municipios da Comunidade Autónoma, analizando cuestións de actualidade neste campo, tanto de forma individual como en grupo.

Número de prazas: 35
Destinatarios: empregados públicos -do grupo A (subgrupos A1 e A2), dos grupos I e II do persoal laboral- (21 prazas), e profesionais con formación superior relacionada coa materia de estudo (14 prazas).
Duración: 64 horas
Datas: do 3 de xuño ao 2 de decembro
Lugar: Sede da EGAP, Santiago de Compostela
Horario: os martes de 16.00 a 20.30 h
Prezo da matrícula: entre 225 e 450 euros
Prazo de inscrición: do 15 ao 29 de maio
Lugar de inscrición: https://egap.xunta.gal/cursoExpropiacion
Máis información: 981 546 238, 981 546 239 e 981 546 241
Ficha do curso: PU14011