A conferencia inaugural, presentada por Sonia Rodríguez-Campos -directora da EGAP- tivo lugar hoxe e estivo a cargo de Juan José Lavilla Rubira, letrado das Cortes Xerais. Este destacou na súa intervención os actuais problemas interpretativos das normativas debido aos excesivos cambios. Ademais, fixo fincapé na necesidade de que a futura lei de contratos consiga restablecer o equilibrio económico dos procesos de contratación.


Ademais, participan nesta actividade Isabel Torralba Mena, xefa do Gabinete de Estudos e Dereito Comunitario da Asesoría Xurídica Xeral; Juan José Pardo García-Valdecasas, presidente do Tribunal Administrativo Central de Recursos Contractuais; José María Gimeno Feliú, catedrático de Dereito administrativo da Universidade de Zaragoza; Santiago González-Varas Ibáñez, catedrático de Dereito administrativo da Universidade de Alicante; e Martín María Razquin Lizarraga, catedrático de Dereito administrativo da Universidade Pública de Navarra.

Os principais destinatarios destas xornadas son fundamentalmente asesores xurídicos e interventores, persoal de servizos públicos de contratación, xestores de fondos da UE e contratistas.

Como é habitual nas xornadas que teñen lugar na Escola Galega de Administración Pública, todos os materiais audiovisuais do encontro serán subidos á páxina web.