A Escola Galega de Administración Pública sube á rede o número 46 da Regap no que participan dez autores. Nesta nova edición abórdanse temas tales como cuestións xurídicas ao redor do Sahara occidental, a Lei do emprendemento e da competitividade económica ou a xurisprudencia contencioso-administrativa, entre moitos outros.
A través destas publicacións a EGAP pretende achegar a contribución dos máximos e máis destacados especialistas en temas como o Dereito autonómico, as novas tecnoloxías, os retos da Administración no século XXI, o estatuto dos empregados públicos ou a ordenación do territorio e o medio.
En especial, pretende reservar un espazo destacado á Administración local, aos seus empregados públicos, ao réxime xurídico destas administracións e a problemas que lle afectan directamente, como a súa articulación territorial, financiamento, réxime xurídico dos seus bens, urbanismo, etc.
Os principais destinatarios desta revista son os empregados públicos e os profesionais do sector privado que desenvolven as súas actividades no eido do Dereito.
A descarga é libre e gratuíta a través da
páxina web da Escola.