Poderán participar nas actividades formativas de teleformación convocadas nesta resolución os empregados públicos e as empregadas públicas destinados/as na Administración da Comunidade Autónoma de Galicia, que se encontran en situación de servizo activo, permiso por maternidade, adopción, acollemento ou excedencia polo coidado dun fillo ou dun familiar. Poderán participar nas probas de avaliación de carácter libre convocadas os empregados públicos e as empregadas públicas destinados/as na Administración da Comunidade Autónoma de Galicia que non se encontren en situación de servizos noutras administracións públicas, excedencia voluntaria e suspensión de función.

Ademais, os empregados públicos pertencentes a outras entidades, organismos e institucións públicas autonómicas poderán acceder a todas as actividades formativas e probas de acceso libre desta convocatoria en que queden prazas vacantes.

Número máximo de solicitudes para esta convocatoria: cinco
Matrícula: desde as 8 horas do 3 de marzo ata as 14 horas do 12 de marzo en http://egap.xunta.gal/matricula