Os destinatarios destas accións formativas son os empregados públicos ao servizo das entidades locais da Comunidade Autónoma de Galicia, así como os funcionarios de Administración local con habilitación de carácter nacional que estean prestando servizos noutras administracións públicas de Galicia.

Número máximo de solicitudes: cinco
Matrícula: desde as 8 horas do 8 de abril ata as 14 horas do 17 de abril en http://egap.xunta.gal/matricula

Ademais da matrícula, todos os solicitantes deberán achegar un certificado expedido polo órgano responsable de que dependa a persoa solicitante que indique a súa situación administrativa e a antigüidade na Administración. A falta de presentación destes documentos acreditativos dará lugar á exclusión da persoa solicitante.

Para isto poderase utilizar, alén do previsto no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro), o enderezo de correo electrónico xestion.egap@xunta.gal ou o número de fax 981 54 63 39.