Cumprindo co compromiso adquirido, a Escola Galega de Administración Pública continúa coa publicación dos temarios correspondentes aos distintos procesos selectivos convocados no DOG o 18 de xuño de 2015.
Tras a publicación da parte dispositiva (lexislación) procédese a
publicar na páxina web da EGAP os temas específicos correspondentes, tanto do subgrupo A1 como do subgrupo A2, nas dúas linguas oficiais.
A Escola reitera que os temarios facilitados non teñen carácter oficial, polo que en ningún caso vincularán os opositores ou os tribunais. En consecuencia, deben considerarse instrumentos complementarios que servirán de apoio e axuda como textos de referencia pero nunca de forma exclusiva e excluínte.