Curso monográfico sobre medidas para previr a comisión de delitos no ámbito administrativo
A Escola / Xoves, 1 de Outubro de 2015.
A Escola Galega de Administración pública convoca un curso monográfico sobre medidas para previr a comisión de delitos no ámbito administrativo que ten como obxectivo principal dar a coñecer as novidades esenciais da recente reforma operada pola Lei orgánica 1/2015, do 30 de marzo, pola que se reforma o Código Penal, así como o estado actual das vías para previr e perseguir a delincuencia no marco dunha xurisprudencia evolutiva.
Destinatarios: o curso vai dirixido preferentemente aos empregados públicos da Administración xeral da Xunta de Galicia e das entidades públicas instrumentais do sector público autonómico que teñan encomendadas tarefas de dirección ou coordinación de órganos e/ou unidades administrativas.
Datas: 13, 20 e 27 de outubro de 2015
Duración: 12 horas lectivas
Horario: xornada de tarde
Lugar: Santiago de Compostela (EGAP, rúa Madrid 2-4)
Matrícula: desde o 2 ata o 9 de outubro en http://egap.xunta.gal/matricula
Máis información:
ficha do curso