A Escola Galega de Administración Pública, a Axencia de Protección da Legalidade Urbanística, a Rede Empresa e Administración e o Observatorio Internacional da Regulación das Entidades do Sector Público poñen en marcha un curso monográfico sobre Administración, empresa e urbanismo sustentable.
Esta actividade pretende proporcionarlle aos destinatarios unha visión ampla dos principais problemas urbanísticos, afondando e debatendo sobre as súas consecuencias sociais, ambientais, económicas e empresariais; tentando propor posibles melloras que se poidan adoptar en actuacións futuras e así obter un urbanismo sustentable.
O curso vai destinado a empregados das administracións públicas de Galicia, ao persoal das entidades do sector público, xuristas, profesionais e a persoas interesadas en xeral.
Datas: 30 de novembro e 1 de decembro
Lugar: EGAP, Santiago de Compostela
Horario: mañá e tarde
Duración: 20 horas lectivas
Inscrición gratuíta a través da
Zona de matrícula da EGAP ata o 26 de novembro.
Programa e máis información na
ficha do curso.