Escola Galega de Administración Pública
Xunta de Galicia - Vicepresidencia e Consellería de Presidencia, Administracións Públicas e Xustiza
Mapa web   |   Accesibilidade   |   Contacto
EGAP EGAPFORMACIÓN EGAP ABERTA EGAP HOXE EGAP A MÁIS

AVISO E RECOMENDACIÓN: O seu navegador web (Internet Explorer 6) está obsoleto o cal pode provocar que certos elementos se mostren descolocados ou non se carguen correctamente. Ademáis, tampouco poderá ver ben, populares webs como Youtube ou Facebook, entre outras moitas. Recomendámoslle actualizar o seu navegador nos enlaces seguintes:

Internet Explorer Mozilla Firefox Google Chrome Apple Safari Opera
  • Imagen 1 de 7  

    A EGAP profunda na formación sobre a resolución de conflitos

    Cursos / Luns, 16 de novembro de 2015.

    A Escola Galega de Administración Pública acolleu o inicio dun curso sobre as ferramentas básicas para a resolución do conflito, baseado principalmente na comunicación e no control das emocións


    EGAP acolleu hoxe a inauguración do curso monográfico "Ferramentas básicas para a resolución do conflito", que organizará este organismo durante varias xornadas. Ao longo do curso, no que participan 50 persoas, trataranse, entre outros temas, a comunicación e o control das emocións, a identificación e a dinámica dos conflitos, os estilos de resolución e a mediación.

    Na súa inauguración participaron a directora da EGAP, Sonia Rodríguez-Campos; a presidenta da sección española do Grupo Europeo de Maxistrados para a Mediación (GEMME) e Maxistrada da Sala do Social do Tribunal Supremo, Lourdes Arastey; o director xeral de Xustiza, Juan José Martín Álvarez, e a catedrática de Dereito Procesual da Universidade de Santiago e directora do curso, Raquel Castillejo Manzanares.

    Durante o acto, a directora da EGAP destacou a importancia do curso de marcado carácter práctico sobre un tema de gran relevancia e interese nas circunstancias presentes como é a xestión e resolución dos conflitos. Neste sentido, afirmou que a sociedade actual “demanda novas vías para resolver conflitos nas que se lle ofreza á cidadanía unha resposta máis rápida, máis eficaz e máis satisfactoria”. Sonia Rodríguez-Campos incidiu na mediación “como un método adecuado para a súa xestión a través das numerosas ferramentas que se verán polo miúdo neste curso. Tal vez os ámbitos de aplicación máis coñecidos desta disciplina sexan o xudicial, o familiar e o escolar, pero tamén é útil para resolver problemas comunitarios, veciñais, laborais ou entre organizacións, tanto públicas como privadas”.

    Ademais, Sonia Rodríguez-Campos salientou a relevancia que adquiriu nos últimos anos a mediación, tanto no ámbito xudicial como no extraxudicial. “É responsabilidade da Escola Galega de Administración Pública ofrecer unha formación completa neste eido. Ademais deste curso de especialización, dentro do noso plan de formación non esquecemos a necesaria potenciación de materias relacionadas coa comunicación e a mellora das habilidades. Deste xeito, ofrecémoslles aos empregados públicos a oportunidade de formarse na prevención e xestión de conflitos, na negociación, na intelixencia emocional ou no traballo en equipo”, apuntou.

    Pola súa banda, o director xeral de Xustiza, Juan José Álvarez Martín, destacou que dende o 2009 a Xunta aposta pola implantación de experiencias mediadoras nos órganos xudiciais galegos mediante diferentes resolucións e pola sinatura de acordos con distintas institucións e organismos como os subscritos este ano co colexio de avogados e psicólogos de A Coruña. “A mediación non debe ser subvencionada ao cen por cento en tódalas súas facetas”, subliñou.

    Á súa vez, o director xeral de Xustiza apuntou que a mediación “é unha solución que as partes deron e aceptan como súa o que vai facilitar as cousas no futuro, sobre todo no ámbito familiar”.
  •   Anterior Seguinte  
    Pax 413 de 758
© Xunta de Galicia. Información mantida e publicada na internet pola Xunta de Galicia
Oficina de Rexistro e Información | Suxestións e queixas | Aviso legal | Atendémolo/a | RSS
Turismo de Galicia